Bazeli Sport

Rreth Akademisë së Futbollit "Bazeli Sport"

"Çdo gjë e madhe fillon me një hap të vogël". Klubi futbollistik 'KF Bazeli' i pati fillet e tij në vitin 2015 ku Afrim Bunjaku dhe Shefket Palloshi me një numër të vogël fëmijësh, numri i të cilëve është rritur në 120 tani. Në fillim quhej Arbëria por pastaj me sygjerimin e Ismet Bunjakut, mori emrin e klubit futbollistik zviceran 'Bazeli' nga i cili dolën yjet e futbollit shqiptarë. Pasi që interesimi ishte i madh, klubi vendosi të zgjerohej. U formua së pari bordi i klubit, drejtor dhe menagjer i së cilit u zgjodh Ahmet Shora, pastaj kryetar Ismet Bunjaku, sekretar Shefket Palloshi si dhe trajnerët Sedat Bunjaku, Afrim Bunjaku dhe Sead Bunjaku. Antarët e bordit të klubit ishin Kemal Dullovi, Adnan Palloshi, Besim Sallahu, Egzon Shora, Nuri Shora, Arbenita Gavazi dhe Sara Bunjaku.

Hap pas hapi, klubi i vajzave në krye me Kosovare Shorën si kryetare, është pranuar edhe në Federatën e Futbollit Kosovar dhe tani garon me vajza në super ligën e Kosovës, ku u prezentua me mjaft sukses. Gjatë vitit 2017-18 u shpall nënkampione për junior. Të gjitha këto arritje u bënë në të ndihmës të pashoq të Ahmet Shorës gjatë gjithë kohës, punës së palodhshme të trajnerëve dhe gjithë kryesisë, të cilët punuan vazhdimisht që ta ngrisin klubin në piedestalet më të larta.

Sot, Akademia e Bazelit ka ndërtuar një kompleks futbollistik më një infrastrukturë mahnitëse. Kushtet që i ka sot ky klub janë falë sponzorit Bazeli Sport sh.p.k, pa të cilin ky klub nuk do të ishte ku është sot. Akademia e Bazelit po ec me hapa të sigurt drejt sukseseve.